நயன்தாரா-கவுடண்மணியுடன் இணைந்த விக்ரம்

நயன்தாரா-கவுடண்மணியுடன் இணைந்த விக்ரம்

வருகிற செப்டம்பர் 17-ந் தேதி விநாயகர் சதுர்த்தியை முன்னிட்டு நயன்தாரா நடிப்பில் உருவாகியுள்ள புதிய ‘மாயா’ படம் வெளியாகவிருக்கிறது. திகில் நிறைந்த பேய் படமாக உருவாகியுள்ள இப்படத்திற்கு போட்டியாக, கவுண்டமணி நீண்ட இடைவெளிக்கு பிறகு கதாநாயகனாக நடித்திருக்கும் ‘49 ஓ’ என்கிற படமும் அன்றைய தேதியிலேயே வெளிவரவிருக்கிறது.

இவ்விரண்டு படங்களும் செப் 17-ந் தேதி வெளியாவது உறுதியாகியுள்ள நிலையில், சிவகார்த்திகேயன் நடிப்பில் உருவாகியுள்ள ‘ரஜினி முருகன்’ படமும், ஜி.வி.பிரகாஷ் நடிப்பில் உருவாகியுள்ள ‘த்ரிஷா இல்லனா நயன்தாரா’ படமும் அன்றைய தேதியில் வெளியாகலாம் என்ற எதிர்பார்ப்பு நிலவி வந்தது.

தற்போது, இவர்களை முந்திக் கொண்டு விக்ரம் நடிப்பில் உருவாகியுள்ள ‘பத்து எண்றதுக்குள்ள’ படத்தை செப்டம்பர் 17-ந் தேதி வெளியாகவுள்ளது. இந்த செய்தியை படக்குழுவினர் அதிகாரப்பூர்வமாக அறிவித்துள்ளனர்.

விக்ரம் – சமந்தா நடித்துள்ள பத்து எண்றதுக்குள்ள படத்தை விஜய் மில்டன் இயக்கியுள்ளார். ‘கோலி சோடா’ படத்திற்கு பிறகு விஜய் மில்டன் இயக்கியுள்ள படம் என்பதால், இப்படத்திற்கு ரசிகர்கள் மத்தியில் பெரிய எதிர்பார்ப்பு நிலவியுள்ளது என்பது குறிப்பிடத்தக்கது.

கவுண்டமணியுடன் நடிக்க வாய்ப்பு கேட்ட சிவகார்த்திகேயன்

கவுண்டமணியுடன் நடிக்க வாய்ப்பு கேட்ட சிவகார்த்திகேயன்

கவுண்டமணி கதாநாயகனாக நடிக்கும் ’49 ஓ’ படத்தின் இசை வெளியீட்டு விழா சென்னையில் நடந்தது. சத்யராஜ் கலந்து கொண்ட இந்த விழாவில் சிவகார்த்திகேயன் பேசியதாவது:–

கவுண்டமணி சார்தான் எங்களைப் போன்ற பலருக்கு ரோல் மாடல். இப்போதும் அனைவராலும் விரும்பப்படும் நடிகர் அவர்தான். நான் ‘வருத்தப்படாத வாலிபர் சங்கம்’ படத்தில் நடித்த போது, சத்யராஜ் சாரிடம் கவுண்டமணி சார் சொன்ன கிண்டல் பேச்சை கேட்டு தெரிஞ்சுக்கிட்டேன். இப்போது நினைத்தாலும் அவை சிரிப்பை வரவழைக்கும்.

அவரிடம் பேசும்போது, ‘உங்களுடைய காமெடிகள் எங்களுக்குள்ளேயே இருக்கு தெரிஞ்சோ, தெரியாமலோ அதை திருடிக்கிட்டு தான் இருக்கோம்’ என்றேன். அதற்கு கவுண்டமணி சார், ‘அட… இல்லாதவங்க எடுத்துக்க வேண்டியதான்ப்பா’ என்று சாதாரணமாக கிண்டல் அடித்தார். என்னுடைய ஆசை இதுதான். சத்யராஜ் சாரும், கவுண்டமணி சாரும் சேர்ந்து ஒரு படம் நடிக்க வேண்டும் முடிந்தால், அதில் எனக்கு ஒரு சான்ஸ் கொடுக்க வேண்டும்.

’49 ஓ’ அரசியல் கலந்த விவசாயம் பற்றிய படம் இதை காமெடி கலந்து சொல்ல கவுண்டமணி சாரால் மட்டும்தான் முடியும். அவரை மிஞ்ச இதுவரை யாரும் இல்லை. இனிமேலும் இல்லை. மீண்டும் திரைப்படத்தில் அவரை பார்க்கப்போகிறோம் என்ற சந்தோஷம் எங்கள் எல்லோருக்கும் இருக்கிறது.

உங்களை சந்திக்க எனக்கு இந்த வாய்ப்பு கொடுத்த தயாரிப்பாளர் சிவபாலனுக்கு நன்றி. நான் கவுண்டமணி சார் போல பேச வேண்டும் என்று கூட்டத்தில் இருந்து கேட்கிறார்கள். அப்படி பேசினால், ‘அதுக்குத்தான் நான் இருக்கேன்னு, அவன் என்ன பேசுறது என்று கவுண்டமணி சார் சொல்லிடுவாரு’ என்று கூறினார்.

கவுண்டமணி புதிய படம் அடுத்த மாதம் ரிலீஸ்

கவுண்டமணி புதிய படம் அடுத்த மாதம் ரிலீஸ்

தமிழக ரசிகர்களை சிரிப்பு மழையில் நனைய வைத்த கவுண்டமணி நீண்ட நாட்களாக நடிப்புக்கு ஓய்வு கொடுத்தார். மீண்டும் அவர் ‘வாய்மை’, 49ஒ’ படங்களில் நடித்து வருகிறார். இதில் ‘49ஒ’ படத்தில் கவுண்டமணி கதாநாயகனாக நடித்து இருக்கிறார்.

டைரக்டர் கவுதம் மேனனிடம் உதவி இயக்குனராக இருந்த ஆரோக்கியதாஸ் இந்த படத்தின் மூலம் டைரக்டர் ஆகி இருக்கிறார். முழுக்க முழுக்க காமெடி படமான இது சில மாதங்களுக்கு முன்பே வெளியாகும் என்று எதிர்பார்க்கப்பட்டது. பல்வேறு காரணங்களால் ‘49–ஒ’ படம் வெளியாவதில் தாமதம் ஏற்பட்டது.

இப்போது கவுண்டமணியின் இந்த படத்தை அடுத்த மாதம் திரையிட முடிவு செய்துள்ளனர். இதற்கான ஏற்பாடுகள் நடந்து வருவதாக படக்குழுவினர் தெரிவித்தனர்.