அரண்மனை-2 படத்துக்காக 103 அடி நீள அம்மன் சிலை

அரண்மனை-2 படத்துக்காக 103 அடி நீள அம்மன் சிலை

ஹன்சிகா, ராய் லட்சுமி, வினய் நடித்து சுந்தர் சி டைரக்டு செய்த ‘அரண்மனை’ படம் வெற்றி பெற்றதை தொடர்ந்து அந்த படத்தின் இரண்டாம் பாகம், ‘அரண்மனை-2’ என்ற பெயரில் தயாராகி வருகிறது. இது, திகில் நிறைந்த பேய் படம் ஆகும்.

இந்த படத்தில், சித்தார்த் கதாநாயகனாக நடிக்கிறார். கதாநாயகிகளாக திரிஷா, ஹன்சிகா ஆகிய இருவரும் நடிக்கிறார்கள். முக்கிய வேடம் ஒன்றில் சுந்தர் சி நடிப்பதுடன் டைரக்டும் செய்கிறார். படத்தின் பெரும்பகுதி படப்பிடிப்பு முடிவடைந்தது. படத்தின் உச்சக்கட்ட பாடல் காட்சிக்காக சென்னை பின்னி மில் ஸ்டூடியோவில், 103 அடி நீளமுள்ள அம்மன் சிலை அமைக்கப்பட்டு 7 நாட்களாக படப்பிடிப்பு நடக்கிறது.

சித்தார்த், திரிஷா, ஹன்சிகா, 2 ஆயிரம் துணை நடிகர்-நடிகைகள், 200 நடன கலைஞர்கள் தினமும் படப்பிடிப்பில் கலந்து கொண்டதாக டைரக்டர் சுந்தர் சி. தெரிவித்தார். அவர் மேலும் கூறியதாவது:-

‘‘இந்திய திரையுலகில், படப்பிடிப்புக்காக இத்தனை நீளமான அம்மன் சிலை இதுவரை எந்த படத்துக்கும் அமைக்கப்படவில்லை. தினமும் 300-க்கும் மேற்பட்ட தொழிலாளர்கள் இரவு-பகலாக பணிபுரிந்து 25 நாட்களில் இந்த அம்மன் சிலையை அமைத்தார்கள். பொதுவாக அம்மன் சிலைகள் நின்றபடியோ அல்லது உட்கார்ந்த நிலையிலோதான் இருக்கும்.

பொள்ளாச்சி மாசாணி அம்மன் சிலை மட்டுமே படுத்த நிலையில், அதுவும் வானத்தை பார்த்து படுத்த நிலையில் இருக்கும். ‘அரண்மனை-2’ படத்துக்காக அமைக்கப்பட்டுள்ள அம்மன் சிலை, 103 அடி நீளத்தில் ஒரு பக்கமாக படுத்த நிலையில் உள்ளது. இவ்வளவு நீளமுள்ள சிலை எந்த கோவிலிலும் இல்லை. இந்த சிலை முன்பு 2 ஆயிரத்துக்கும் மேற்பட்ட கலைஞர்கள் நடனம் ஆடுவது போல் படமாக்குவதற்கு வேறு எங்கும் இடமும் இல்லை என்பதால், மீனம்பாக்கம் அருகே உள்ள பின்னி மில் ஸ்டூடியோ மைதானத்தை தேர்ந்தெடுத்தோம்.

‘‘அலை ஒடுங்கி மலை நடுங்க ஆணவத்தின் சிறகொடிக்க அம்மா வா…வா…’’ என்ற உச்சக்கட்ட பாடல் காட்சியை அங்கு படமாக்கினோம். இந்த சிலையையும், படப்பிடிப்பையும் பார்ப்பதற்காக பொதுமக்கள் தினமும் குடும்பம் குடும்பமாக வருகிறார்கள். அப்படி வருகிற சில பெண்கள் அருள் வந்து சாமி ஆடுகிறார்கள். அவர்களுக்கு தீபாராதனை காட்டுவதற்காகவே ஒருவரை நியமித்து இருக்கிறோம். இதுவரை எந்த படத்துக்கும் இத்தனை நீளமுள்ள பிரமாண்ட சிலை பயன்படுத்தப்படாததால், இதை ‘லிம்கா’ சாதனைக்கு விண்ணப்பிக்க இருக்கிறோம்.’’

இவ்வாறு டைரக்டர் சுந்தர் சி கூறினார்.

திரிஷா நடிக்கும் மற்றொரு பேய் படம் பூஜையுடன் தொடக்கம்

திரிஷா நடிக்கும் மற்றொரு பேய் படம் பூஜையுடன் தொடக்கம்

திரிஷா தற்போது ‘அரண்மனை 2’ என்ற பேய் படத்தில் பிசியாக நடித்துக் கொண்டிருக்கிறார். இந்நிலையில், ‘நாயகி’ என்ற மற்றொரு பேய் படத்திலும் திரிஷா நடிக்க ஒப்பந்தமாகியுள்ளார்.

கோவி இயக்கவுள்ள இப்படம் ஒரு பெண்ணை மையப்படுத்திய கதை என்பதால், திரிஷாவுக்கு முக்கியத்துவம் கொடுத்து இப்படத்தை எடுக்கவுள்ளதாக கூறப்படுகிறது. போஸ்டர்களும் திரிஷாவை மையமாக வைத்தே உருவாக்கப்பட்டுள்ளது. இதில் திரிஷா இதுவரை நடிக்காத, பவர்புல் கதாபாத்திரமாக இருக்கும் என்று கூறப்படுகிறது.

மேலும், இப்படத்தில் கணேஷ் வெங்கட்ராமன், மனோபாலா, கோவை சரளா, செண்ட்ராயன், ஜெயப்பிரகாஷ், பிரமானந்த தாகூர் உள்ளிட்டோர் முக்கிய கதாபாத்திரத்தில் நடிக்கின்றனர்.

இப்படத்தின் தொடக்கவிழா இன்று சென்னையில் உள்ள ஏ.வி.எம் ஸ்டுடியோவில் நடைபெறுகிறது. இதில், திரிஷா, கணேஷ் வெங்கட்ராமன் உள்ளிட்டோர் கலந்துகொண்டு படப்பிடிப்பை தொடங்கி வைக்கிறார்கள்.

திகில் நிறைந்த காமெடி படமாக உருவாகும் இப்படத்தின் படப்பிடிப்பை தொடர்ந்து 45 நாட்கள் நடத்த முடிவு செய்துள்ளனர். முதற்கட்ட படப்பிடிப்பை புனேயிலும், அடுத்தகட்டமாக சென்னை மற்றும் அதை சுற்றியுள்ள இடங்களிலும் படமாக்க உள்ளனர்.

தமிழ் மற்றும் தெலுங்கில் ஒரே நேரத்தில் இப்படம் உருவாகவிருக்கிறது. இப்படத்தை திரிஷாவின் மேனேஜர் கிரிதர், கிரிதர் புரொடக்ஷன்ஸ் என்ற நிறுவனம் மூலம் தயாரிக்கிறார்.

Aranmanai 2 acting Trisha announcement birthday

Varun maniyan Trisha in the last 2 months before the wedding, engagement with the state, suddenly there is a disagreement between the two had discussed marriage was canceled.

If atarkerrarpe, Trisha lined films that had been agreed. However, until that information has been officially confirmed. Trisha, who celebrated his birthday yesterday, was paired with Siddharth Palace 2 movie cast announced by Twitter.

For the first time in this special day, Sunder. C operation, along with Siddharth Palace 2, as noted with pleasure that I am acting in the film, Trisha said in his Twitter.